Әкімшілік іс медиация тәртібімен тоқтатылды

Жаңақорған аудандық сотында Қазақстан Республикасы ӘҚБтК-нің 73-1-бабының 1-1 бөлігінде көзделген әкімшілік құқық бұзушылықты жасаған азамат А-ға қатысты  әкімшілік ісі қаралды.
Сотта анықталғандай, азамат А. 2020 жылдың 14 ақпаны сағат 20:00 шамасында өзінің жеке тұрғын үйінде қонақ бөлмесінің терезесін сындырып, жұбайы Ш-ны балағаттап, ар-намысына тиетін сөздер айтып, ол отбасы-тұрмыстық қатынастардағы адамға сыйламаушылық көрсетiп, былапыт сөйлеп, тыныштығын бұзып, әкімшілік құқық бұзушылық әрекетін жасаған.
Сот отырысында  жәбірленуші Ш. жұбайы А-ға кешірім бергенін, онымен медиация тәртібімен татуласқанын көрсетіп, әкімшілік істі тоқтатуды сұраған.
Сотпен іс құжаттары зерттеліп, өзіне қатысты іс жүргізіліп жатқан тұлға мен жәбірленушінің медиация тәртібімен татуласқандары ескеріліп, Қазақстан Республикасының ӘҚБтК-нің 64-бабының негізінде әкімшілік іс тоқтатылды.
        
Ақпарат: Жаңақорған аудандық сотының баспасөз қызметі