Тірілер қайтыс болғандардың көзін жұмады, ал қайтыс болғандар...

"Тірілер қайтыс болғандардың көзін жұмады,

Қайтыс болғандар тірілердің көзін ашады"...

                                                    Дінмұхамед Қонаев

Жақында осы бір сөздің дәйегіне үңіліп, тереңінен түсінгім келді. Бірақ сыртынан айналып өте шықтым . Бүгінгі қайғылы апат Дінмұхамед ағамыздың сөзін төбемнен түсірді. ШЫНЫМЕН , алда не күтіп тұрғанын бізге білу берілмеген. Тіпті ол жөнінде ойламаймыз, ойласақ тым сирек. Міне , мына ұшақта демі таусылған кісілердің де армандары һәм алға қойған мақсаттары бар болатын. Алайда бір сәтте барлығы жоқ болды.

Мына жалғанда көп дүниені бағалауға жоқпыз , сыйлай алмаймыз , қадірін ілмейміз ! Осындай бір түйіткіл ойларға зер салғымыз жоқ. Ал, бүгінгі бүкіл қазақтың қабырғасын қайыстырған қайғы әр пендеге ой саларлық...

Бізді не күтіп тұрғаны тек бір Аллаға аян! Сондықтан Димекеңнің : "Қайтыс болғандар тірілердің көзін ашады"... дегені - жақындарымызды бағалайық, болмашы бір дүниелерге өкпе артып ата жауға айналмайық, уақыттың қадірін түсініп үйренейік БАУЫРЛАР. Әйтпесе қас қағым сәт, бүгін бар - ертең жоқсың..

Дастан Абдырахманұлы