2020 жыл қазақстандықтарға 23 демалыс күн сыйламақ.

Тек жаңа жылдық мерекенің өзінде ел тұрғындары 1 қаңтардан 4 қаңтарға дейін демала алады. Бірақ, оларға жексенбі күнге түсетін 5 қаңтар күні жұмысқа шығуға тура келеді.

Артынша 6 қаңтар күні де жұмыс істеп, 7 қаңтарда кезекті демалысқа шығады.

Ақпан айында тұрғындар демалыссыз жұмыс істейді. Бірақ, наурыз айында қосымша 7 күн демалыс алады.

Елдегі дата ауысуына байланысты 8 және 9 наурыз демалыс болып есептеледі. Дәл осы күндері нәзік жандыларды Халықаралық әйелдер күнімен құттықтауға болады.

Одан соң қазақстандықтарды Наурыз мерекесі күтіп тұр. Ол бес күн бойы, 21 наурыздан 25 наурызға дейін тойланады.

Артынша қазақстандықтарды мамыр айындағы демалыстар күтеді. Олардың ішінде 1 мамырда болатын Бірлік күні, 7 мамырда тойланатын Отан қорғаушылар күні бар.

Жеңіс күнін 8 және 9 мамыр күні тойлауға болады.

Ал шілде айында қазақстандықтарды Елорда күніне арналған бір демалыс күні ғана күтеді. Ол дәстүрлі түрде 6 шілде күні тойланады.

Содан кейін ел тұрғындарын тамыз айының соңында екі мерекелі күн күтеді. 30 және 31 тамыз күндері қазақстандықтар Ата заң күнін тойлау үшін демалыс ала алады.

2020 жылдың соңғы айында республика тұрғындары 1 желтоқсан Тұңғыш президент күніне, 16 желтоқсаннан бастап 19 желтоқсанға дейін Тәуелсіздік мерекесіне демалады.