Қазақстан тұрғындарын мамыр айындағы мейрамдарға байланысты ұзақ демалыстар күтіп тұр, деп хабарлайды Baq.kz ақпарат агенттігі.

Сонымен, мамыр айында мейрам және демалыс күндерін қоса есептегенде қазақстандықтар 11 күн демалады.
Қазақстан халқының бірлігі күніне орай сәуірдің 28 (сенбі) жұмыс күні болады, ал 30 сәуір (дүйсенбі) – демалыс.
Осылайша, қазақстандықтар 1 мамырға үш күн қатарынан демалады: 29, 30 сәуір және 1 мамыр.
Бұдан басқа, 5 мамыр сенбідегі демалыс күні 8 мамыр сейсенбіге ауыстырылып отыр. 7 мамыр - Отан қорғаушылар күні, 9 мамыр – Жеңіс күні.
Бұл аптада қазақстандықтар 4 күн қатарынан демалады – 6 мен 9 мамыр аралығында.