Қазақ қызын, жігіттер, жылатпаңдар!..

Бір-ақ, күн бар, сондай-ақ, бір-ақ таң бар,
Сен, қазақсың, бойыңда бір-ақ қан бар,
Ей, жігіттер, шынымен Қазақ болсаң,
Қазақ қызын, ешқашан жылатпаңдар!

Мына заман - азғындар заманы емес,
Қанша қорқып, қашсаң да, қалады елес.
Қазақ қызы - ол сенің ар, ұятың,
Ар, Ұятын жоғалтқан - адам емес!

Сақ болған жөн, қандай да ырықтан бар,
Асығыстық дегенді - құлыптаңдар.
Сондықтан да жігіттер, не істесең де,
«Қыздың жолы – жіңішке», ұмытпаңдар!

Қате қадам - түбінде өкінерің,
Аяп қарар дейсіңдер, бетіңе кім?
Сен, қазақсың!
Сондықтан Қазақ қызын,
Қорғап, қолдап жүріңдер, өтінерім...

Байқаусызда сүрінтіп, құлатпаңдар,
Шын сүйдің бе, сүйгенге тұрақтаңдар.
Қазақ қызы - ол сенің ар, ұятың,
Қазақ қызын - ешқашан жылатпаңдар!!!

Жұмаш КЕНЕБАЙ,
27.01.2016 жыл.