Аудан әкімінің тұрғындармен кездесуі

Сәрсенбі күнгі аудан тұрғындарын жеке мәселелерімен қабылдауды аудан әкімі Мақашов Сұлтан Ысқақұлы «Nur Otan» партия Жаңақорған аудандық филиалының қоғамдық қабылдау бөлмесінде өткізді.

Қабылдауда болған тұрғындардың бірі Жаңақорған кенті, Алтынсарин көшесі №41/15 үй тұрғыны жалғызбасты ана Аманбаева Ұлтуар апамыз. Апамыз екі ұлынан айырылып, бүгінгі күнде жалғыздықтың күйін кешуде. Мәселесі тұрғын үйіне жылу және азық-түлік қажет. Зерттеу мақсатында тұрғын үйіне табиғи газ кірген, алайда жылу жүйесі орнатылмаған. Аудан әкімі Ұлтуар апамызды өз қамқорлығына алатынын және алдағы уақытта әрбір мекеме, бөлім басшылары осы сияқты әлжуаз отбасыларға қайырымдылық жасап, біржолғы көмек көрсетуге шақырды.

Міне бүгін осы игі істің нәтижесі де анық болды. Жақын күндері тұрғын үйіне газ пеші мен газ жүйесі орнатылады.

Бұл мақтаныш емес ағайын, әрине бір бірімізді демеп, осындай әлжуаз отбасына аз болсада қолдау көрсету ең бір игі іс, өмірге деген көзқарасын арттыру болып табылады емес пе.