Шахмат: аудандық жекелей біріншілік
Бүгін Жаңақорған кентіндегі №163 орта мектепте 7,9,11,13 жасөспірім ұлдар және қыздар арасында шахматтан аудандық жекелей біріншілік өткізілді.
Жарысқа кент және ауылдық округтерден келген 40-тан аса мектеп оқушылары қатысты. Жарыс жеңімпаздары мен жүлдегерлері аудандық дене шынықтыру және спорт бөлімінің грамоталарымен, медальдарымен және тағайындаған бағалы сыйлықтарымен марапатталды. Жеңімпаз болған жүлдегерлер Қызылорда қаласында шахаматтан жасөспірімдер арасында өтетін облыс біріншілігіне жолдама алды.
