«Отбасылық сот» пилоттық жобаcы аясындағы іс-шара жоспарына сай

Жаңақорған аудандық соты «Отбасылық сот» пилоттық жобасы және «Отбасы құндылықтарын» насихаттады.

Қызылорда облысы соттарында «Отбасылық сот» пилоттық жобаcы аясындағы іс-шара жоспарына сай, Жаңақорған аудандық сотының ұжымы отбасы құндылықтарын насихаттау мақсатында таратпа материалдар әзірлеп, сотқа келушілерге таратты.
Түсіндіру жұмыстарын жүргізу барысында «Отбасылық сот» пилоттық жобасын енгізудің мақсаты отбасы құқығын қорғау, отбасы құндылықтарын сақтау, ана мен бала құқығын қорғап, кәмелетке толмаған балалардың ата-анасымен келісімде өмір сүруіне, олардың тұлға ретінде қалыптасуына жәрдемдесу болып табылатынын және де жаңадан іске қосылатын жаңа қызметтің артықшылығы неде, қай міндеттемелерді атқаратынын, кейінгі кезде елімізде болып жатқан отбасыға қатысты даулардың көп екендігіне байланысты Қазақстан Республикасының Жоғарғы Сотының бастамасымен жүзеге асырылып жатқандығы қамтылды.

Жаңақорған аудандық сотының баспасөз қызметі