Зейнулла Дүйсенгали ерлігі үшін марапатталды

 30 тамыз 2019 жылы Қазақстан Республиксаның «Конституциясы күні»  қарсаңында азаматтық пен адамгершілікті, адалдықты бәрінен биік қоя білетін жерлесіміз Зейнулла Дүйсенгали Нажимовичті Қызылорда облысы Төтенше дағдайлар департаментінің бастығы азаматтық қорғау полковнигі Бержанов Омар Құмарұлы төтенше жағдайлардын алдын алуға қосқан үлесі үшін алғыс білдіріп,  «Алғыс хатпен» марапаттап, сыйлық табыстады.

 

Зейнулла Дүйсенгали Нажимович 2019 жылдың 24 шілде күні  Әлімкөл» көлінің тұсында өтіп бара жатқан кезде көмек сұрап айқайлаған балалар алдынан шығып суға екі қыздың батып кеткенін айтады. Ағамыз еш ойланбастан суға түсіп су астында ес түссіз жатқан  №125 орта мектебінің 5 сынып оқушысы, Жахан Алтынай Орынбайқызы   тауып  жағаға шығарып алғашқы көмек көрсетеді. Сәлден соң есін жинаған соң су астында екінші қыз бар екенін айтады.  Дереу суға түскен екінші қызды іздеуге кіріседі. Көл ортасына жеткенде аяғы бір нәрсеге тиген соң суға сүңгі екінші қызды алып шығады. Жағаға шығарып алғашқы көмек көрсеткенмен жеті жасар бүлдірішінді құтқару мүмкін болмады.
Төтенше жағдайдың алдын алуда барлық азаматтық міндеті деп ойлайтын Зейнулла Дүйсенгали Нажимовичтің жасаған ерлігі көпке үлгі болар іс деп ойлаймыз.

                                                                                                           Төтенше жағдайлар бөлімінің қызметкерлері.