» » Қызылордада 13 жасар бала суға кетті

Қызылордада 13 жасар бала суға кетті


Сырдария өзенінің суға түсуге рұқсат етілмеген аумағында шомылған 13 жастағы жасөспірім суға кетті.
Ол ата-анасының бақылауынсыз қалып, көз жұмды. Бұл оқиғаға қатысты облыстық төтенше жағдайлар департаментінің баспасөз маманы Айгүл Нұрманова ата-ананың балаға салғырт қарауы себеп болғанын айтады.
«Тұрғындар балалардың қауіпсіздігіне салғырт қарайды. Олардың қайда жүргенінен хабарсыз. Жыл басынан бері 22 адам суға кетті. Оның ішінде тоғыз бала осындай төтенше жағдайдан қайтыс болды. Біз тұрғындар арасында қауіпсіздік шаралары жөнінде үгіт-насихат шараларын жүргіземіз. Дегенмен оған көбі құлақ аса бермейді», – деді ол.

Ескендір Ертай

23 шілде 2019 ж. 52 0