Шағын және орта бизнес субъектілеріне қатысты

Шағын және орта бизнес субъектілері басшыларының назарына!!!
Qoldau 24/7 мобильді қосымшасы арқылы Міндетті әлеуметтік медициналық сақтандыру жүйесіне жалдамалы жұмыскерлерді тіркеу тәртібі
Ол үшін, «Qoldau 24/7» мобильді қосымшасын Play Маркет және App Store көмегі арқылы смартфонға жүктеп, қосымшада электрондық мекен-жайын, аты-жөнін, ЖСН мен ұялы телефон номерін көрсете отырып тіркелу қажет. Осыдан кейін өтініш жазылып, әрі қарай мекеменің БИН, жұмыс берушінің және өзінің ЖСН көрсетіп, осы мекемеде жұмыс жасайтыны туралы дәлелдейтін құжатты тіркейді (тағайындау туралы бұйрығы немесе еңбек келісім шарты болуы мүмкін). 30 минут ішінде Coll орталығының операторлары бұл мәліметтерді тексеріп, көрсетілген мекеме салықтардан босатылған шағы орта бизнес (ШОБ) субъектілердің тізімдерінде бар жоғын анықтайды. Сәйкестіктер анықталған жағдайда, бұл тұлғаға сақтандырылу туралы «уақытша» мәртебесі беріледі.
Ақпарат үшін: 2020 жылғы 1 сәуірден 1 қазанға дейін жеке практикамен айналысатын адамдарды, ШОБ субъектілерін, қызмет түрлерінің тізбесі бойынша қызметін жүзеге аысратын ірі кәсіпкерлік субъектілерін МӘМС-ке жарналар мен аударымдарды төлеуден босатып, қызметкерлерге медициналық көмек алу құқығы 2020 жылғы 1 қазанға дейін ұзартылды.