18 тамыз күні Индонезия елінің астанасы Джакарта мен Паламбанг қалаларында жазғы Азия ойындары басталды. Қазақстандық спортшылар сары құрлықтың басты додасына толық жетті. Қазақстан бокс федерациясы хабарлағандай, Азия ойындарына қатысатын 7 боксшы мен жаттықтырушылар және дәрігерлер жарысқа аттанды. 
Команда 20 кг жылқы еті мен қажетті дәрі-дәрмектерді өздерімен бірге ала кетті. - Бара сала жаттығуға кіріспейміз. 17-не тынығып, 18-і жарыстың ашылу салтанатына қатысамыз. 19 тамыздан бастап жаттығуды бастаймыз. Өзімізбен бірге 20 кг жылқы етін алып барамыз. Жігіттер кімге қанша және қай уақытта жеу керектігін өздері шешеді, - деді ұлттық құраманың бас жаттықтырушысы Мырзағали Айтжанов.