2018 жылғы 28 тамызда «Өрлеу» біліктілігікті арттыру институтының мәжіліс залында Қызылорда облыстық ішкі саясат басқармасы ұйымдастыруымен аударма жасаудың негізгі мәселелерін талқылау және қазақ тілі әліпбиін кириллицадан латын графикасына көшіру, осы бағытта жүргізіліп жатқан жұмыстардың барысымен таныстыру мақсатында семинар өткізілді.
Семинарға облыс әкімі аппаратының, облыстық басқармалардың, аумақтық департаменттер мен инспекциялардың, қалалық, аудандық мәдениет және тілдерді дамыту бөлімдерінің тілге жауапты мамандары, филолог-ғалымдар, тілдерді оқыту орталығының оқытушылары қатысты. 
Семинардың күн тәртібіне сәйкес, «Әліпби ауыстырудың өзекті мәселелері» тақырыбында Қорқыт Ата атындағы Қызылорда мемлекеттік университетінің қазақ тілі мен әдебиеті және журналистика кафедрасының қауымдастырылған профессоры, ф.ғ.к. А. Абасилов, «Қазақ тіліндегі 100 жаңа оқулық» тақырыбында Қызылорда облысының тілдерді оқыту орталығының директоры Н. Мусаева, «Аудиовизуалды полисемантикалық аударма стратегиялары» тақырыбында Ресей Жаратылыстану Академиясының профессоры, п.ғ.к., Қорқыт ата атындағы Қызылорда мемлекеттік университетінің орыс тілі мен әдебиеті кафедрасының аға оқытушысы С.Жарбулова, «Сөйлеу мәдениеті және аударма» тақырыбында Қызылорда облысының тілдерді оқыту орталығының оқытушысы Б.Байділдаева баяндама жасады.
Семинарға қатысушылар аударма мәселелері және латын әліпбиіне қатысты ой-пікірлерін білдіріп, сұрақ-жауаптар алысты, аударма саласын одан әрі жетілдіру бағытында ұсыныстар жасады.