Туған жерім қасиетті мекенiм

Бүгін "Сунақата" бастауыш партия ұйымының ұйымдастыруымен "Туған жерiм қасиетті мекенiм" атты аудандық КТК сайысы жоғары деңгейде өтті.
Атаулы шара жастардың туған жерге деген сүйіспеншілігiн арттырып, еліне ерен қызмет етуге насихаттайды. Жастарға жiгер берген шараға Өзгент ауылынан "Өзгент жастары", Екпінді ауылынан -"Абырой" мен "Абай бол", Кейден " Кейден құрамасы", Көктөбеден "Көктөбе КZ" атты 5 команда қатысып, өз өнерлерiн көрсетті. Шараға арнайы "AMANAT" партиясы Жаңақорған аудандық филиалының төрағасы Арман Әбілпейсұлы мен аудандық мәслихат депутаты Юнусов Азатбек қатысып, қатысушы командаларға сәттілік тіледі.
Шара соңында, адил қазылардың шешiмiмен бас жүлде " Кейден құрамасы", 1 орын "Абай бол", 2 орын " Көктөбе KZ", ал 3 орын "Өзгент жастары" мен " Абырой " командалары қанжығаларына байлады. Орын алған командалар арнайы ДИПЛОММЕН марапатталып, сый-сияпаттар табысталды.