“Сағынып жүрмін” атты тректің сазын – Бауыржан Бимахан, ал сөзін – Ринат Зайытов жазған. Ал көптің жүрегін елжіреткен клипте басты рөлді Шәріп Серік пен Бибігүл Сүйіншалина сомдаған.

Бейнебаян желісі екі ғашықтың бір-біріне деген сезімін суреттейді. Романтика, махаббат – барлығы жақсы. Тек жауапты сәт келгенде басты кейіпкер қыз апатқа ұшырайды. Кәсіби актерлердің ойыны мен Сәкеннің әні үйлесімділік тапқан бұл туынды тыңдармандардың жүрегін елжіретіп жіберді.

“Жылап көрмеу мүмкін емес”, “Өте әсерлі екен соңғы жағы”, “Сәкен аға, тамаша өлең, керемет клип. Денем түршігіп кетті, жарайсың”, “Көзге жас келтіретін туынды екен”, – деп жылы лебізін білдірді олар.