«Саз серісі». Осындай атпен Түгіскен балалар өнер мектебінің директоры Құлахмет Нальтаевтің концерті өтті, деп хабарлайды zhanaqorgan-tynysy.kz интернет газеті.

  

Аталмыш шараға ауданның өнер майталмандары, зиялы қауым өкілдері мен ұстаздар қатысты. Өнер сүйер қауымға көңілді кеш сыйлады.

Республика көлеміне танымал композитор, дирижер, оркестр жетекшісі Құлахмет Нальтаев жастардың шығармашылығын дамытып, оларға қамқорлық көрсетіп жүрген азаматтың бірі. Мәселен, эстрада жұлдызы Серік Ибрагимов Құлағаңнның алдын көріп, музыкалық өнердің әліппесін үйренді.
  Биыл Құлахмет Сейітахметұлы 60 жасқа толып, Түгіскен елді мекенінде қорытынды концертін берген еді. Бүгінгі шығармашылық кеші Елбасының «Ұлы даланың жеті қыры» мақаласымен үндес өрбіді.

Ерлан РАЙМБЕК