МҮМКІНДІГІ ШЕКТЕУЛІ БАЛАЛАР ҚОЛӨНЕР ЖӘРМЕҢКЕСІНДЕ ӨЗ БҰЙЫМДАРЫН ҰСЫНДЫ

  Жаңақорған ауданы ішкі саясат бөлімінің «Жастар ресурстық орталығы»  КММ ұйымдастыруымен қайырымды істер марафоны аясында "Ерекше жандар туындылары" тақырыбында мүмкіндігі шектеулі жандардың қолымен жасаған бұйымдарынан әлеуметтік жәрмеңке өтті.


Жәрмеңкеде Жаңақорған аграрлы техникалық колледжінің студенттері өз бұйымдарын халықтың назарына ұсынды. Жас тігіншілеріміздің құрақ көрпешелері, қолсөмкелері, төсеніштері т. б. қолдан жасаған бұйымдары ерекше сұранысқа ие болып, 1 сағ ішінде саудаланып кетті.

Ауданымызда 2000-нан астам мүмкіндігі шектеулі жандар бар. Арасында қолдарынан сан түрлі өнер келетін жастарымыз да көп. Өнерлі жастарымызды қоғамға араластыру үшін осындай түрлі жәрмеңкелер мен көрмелер т.б шаралар өткізу алдағы жоспарымызда бар.

Құрметті аудан тұрғындары! Баршаларыңызды осындай игі шараларда қолдау білдіруге шақырамыз!