Індетпен күресіп жүрген дәрігерлер марапатталды

Қазақстан Республикасының Денсаулық сақтау министрлігі COVID-19 пандемиясымен күрес шараларына байланысты облысымыздың бір топ сала қызметкерлерін марапаттады.

Жаңақорған ауданының денсаулық сақтау саласы бойынша аурухана бас дәрігерінің емдеу ісі жөніндегі орынбасары Тлепбаева Зауреш Әбдіреймқызы мен жұқпалы аурулар бөлімінің меңгерушісі, дәрігер инфекционист Сейлова Әсел Есдәулетқызы "Қазақстан Республикасының Денсаулық сақтау ісінің үздігі" төсбелгісімен, бас эпидемиолог Отарбеков Асқан Бердіұлы "Қазақстан Республикасының Денсаулық сақтау саласына қосқан үлесі үшін" төсбелгісімен, жұқпалы аурулар бөлімінің мейірбикесі Көгенбаева Нұргүл ҚР Денсаулық сақтау министрлігінің Құрмет грамотасымен марапатталды. Марапаттарыңыз құтты болсын, шынайы еңбектеріңіздің жемісін көре беріңіздер, ардақты дәрігерлер!