«Орта білім беру ұйымдарында 2019-2020 оқу жылының басталуы, ұзақтығы және каникул кезеңдері белгілі болды.
Қазақстан Республикасы Білім және ғылым министрінің 2019 жылғы 29 шілдедегі № 337 бұйрығына сәйкес келесі мерзімдер анықталды:
1) 2019 - 2020 оқу жылының басталуы - 2019 жылғы 1 қыркүйек;
2) оқу жылының ұзақтығы 1-сыныптарда - 33 оқу аптасы, 2-11 (12)- сыныптарда - 34 оқу аптасы.
- күзгі каникул - 28 қазаннан - 3 қарашаны қоса алғанда (7 күн); 
- қысқы - 30 желтоқсаннан - 8 қаңтарды қоса алғанда (10 күн);
- көктемгі - 21 наурыздан - 2 сәуірді қоса алғанда (13 күн).
1-сыныптарда: қосымша каникулдар 3-9 ақпанды қоса алғанда (7 күн).
Осылайша, оқу жылы 2019 жылғы 1 қыркүйекте басталып және 2020 жылғы 25 мамырда аяқталады.