Қасым-Жомарт Тоқаев ҰБТ тапсырушы түлектерге сәттілік тіледі
Қазақстан Президенті Қасым-Жомарт Тоқаев ҰБТ тапсырушы түлектерге сәттілік тіледі. Өзінің түлектерге лебізін Мемлекет басшысы twitter-дегі парақшасы арқылы жеткізді, деп хабарлайды "Жаңақорған тынысы" ҚазАқпарат-қа сілтеме жасап.
«Бүгін елімізде Ұлттық бірыңғай тестілеу басталды. Жауапты мемлекеттік органдарға оны заңға сәйкес өткізуді, ҰБТ-ға қатысушылардың қауіпсіздігін қамтамасыз етуді тапсырдым. Түлектерге сәттілік тілеймін!»,-деді Президент.
Айта кетейік, Қазақстанда бүгін 13 мың түлек ҰБТ тапсырып жатыр. «Республика бойынша бүгін барлығы 13 мың бала ҰБТ тапсырып жатыр. Бұл - бірінші лек. Жалпы 9 күн тапсырамыз деп жоспарлап отырмыз. ҰБТ-ны барлығы 117 242 түлек тапсырады», - деді ҚР Білім және ғылым министрі Асхат Аймағанбетов.
