Қызылордалық оқушының тың идеясын шетелдік Boeing корпорациясы сатып алды

Қызылордалық «МҰРАГЕР»мектебінің 11 сынып оқушысы ІТ саласын жақсы меңгерген Евгений Демиденко болашақта ұшатын ұшақ жобасын жасап шықты.Тың идеясын «Nazarbayev Fund Schools Challenge» авиақұрастыру бойынша өткен халықаралық олимпиадасына ұсынып, жеңген жобасы жолдамамен Ұлыбританияның Крэнфилд университетінде бақ сынады. Нәтижесінде Женяның жобасы жеңіске жетіп, арада бір айдай уақыт өткенде Boeing корпорациясы сатып алуға ұсыныс жасайды. Идеясын сатқан Женя ұшақ жасалып шыққан уақытта өз аты-жөнін көрсетуді талап етіп шарт қояды.
17жастағы Женяның бұдан да басқа ерекше жобаларын шетелдік компаниялар өз қажеттеріне жаратуда. Осыдан қомақты табыс көзін тауып, отбасына көмегі тигізіп жүрген дарынды баланың халықаралық деңгейде жеңімпаз атанған алғашқы жобасы ­­- «Биологиялық процестердің 4 D анимациясы» екен. Ал, қазіргі таңда ютуб желісіне бәсекелес бола алатын видео хостинг ойластырып, соны пысықтау үстінде екен.
Евгенийді әлемнің атақты университеттері, атап айтқанда, Қытай, Ресей, Гонконг, Беларусь, Германия, АҚШ және Оңтүстік Корея елдерінен оқуға шақырту жөнінде хабарламалар күнде келеді екен.Бірақ, өзі туған жерімде оқып, еңбегім туған елімде бағаланса дейді.

Лаура БИБАСАРОВА.