№24 (8735) 23

23 наурыз 2024 ж.

№23 (8734) 19

19 наурыз 2024 ж.

№22 (8733) 16

16 наурыз 2024 ж.

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031
» » Елімізде атаулы әлеуметтік көмек алушылар саны 800 мыңнан асты - Сапарбаев

Елімізде атаулы әлеуметтік көмек алушылар саны 800 мыңнан асты - Сапарбаев

Еңбек және халықты әлеуметтік қорғау министрі Бердібек Сапарбаев Ақмола облысы Целиноград ауданы Қоянды селолық округінің тұрғындарымен кездесіп, жаңартылған форматтағы атаулы әлеуметтік көмекке (АӘК) құжаттарды қабылдау барысымен танысты.


Бұл туралы ведомствоның баспасөз қызметі хабарлайды.

Елбасының «Әлеуметтік қамқорлық» әлеуметтік шараларын жүзеге асыру аясында жаңартылған атаулы әлеуметтік көмек алуға құжаттарды қабылдау ағымдағы жылдың 1 сәуірінен бастап басталған болатын. Өтініштер жұмыспен қамту орталықтарында, халыққа қызмет көрсету орталықтарында, сондай-ақ ауылдық әкімдіктерде қабылданады.
Ауыл тұрғындары алдында сөз сөйлеген ведомство басшысы әлеуметтік көмектің жаңа форматын енгізудің арқасында Қазақстанда АӘК алушылар саны 830 мың адамнан асатынын атап өтті, оның ішінде Целиноград ауданында олардың саны 12,3 мыңнан 17,6 мың адамға дейін артады.
Министр көп балалы ауылдықтар мен жастарға жаңа бизнес идеяларды іске асыру үшін 505 мың теңге көлемінде 10 мың мемлекеттік грант ұсынылатынын атап өтті. Мүгедектігі бар 5 мыңға жуық адам мен көп балалы аналар үшін жеке ісін ашуға 6,5 миллион теңгеге дейін жеңілдікті микрокредит беру жоспарлануда.
Ауданда ведомство басшысы Қытайдан келген көп балалы оралман отбасының шаруашылығымен танысты. «Еңбек» бағдарламасы бойынша 4 миллион теңге несие алып шаруа қожалығын ұйымдастырған отбасы тек ірі қара мен жылқы өсіріп қана қоймай, сүт өнімдерін өндіріп, сатумен айналысада.
Сонымен қатар елордада Бердібек Сапарбаев Сарыарқа ауданының халыққа қызмет көрсету орталығында АӘК-ке өтініштерді қабылдау барысымен танысты. Ол 1 сәуірден бастап әлеуметтік көмекті тағайындау үшін жеке куәлік пен тиісті өтініш беру жеткілікті екенін тағы бір мәрте құжаттарды қабылдайтын қызметкерлердің назарына салды.
«Байқоңыр» ауданы әкімдігіне барған кезде ведомство басшысы атаулы әлеуметтік көмекке өтініш беруге келген елорда тұрғындарымен кездесті, Министр аз қамтылған азаматтарға әлеуметтік қолдау көрсету шаралары бойынша түсініктеме берді және оларды қызықтыратын сұрақтарға жауап берді.
Елбасының тапсырмасына сәйкес, Қазақстанда биыл 1 сәуірінен бастап АӘК көрсету мөлшері күнкөріс деңгейінің 50 пайызынан 70 пайызға дейін көтеріліп, 20 789 теңге болды. Нәтижесінде жәрдемақы алушылар саны 571,6 мың адамнан 830 мың адамға дейін өседі. Бұл ретте, егер АӘК-тің орташа мөлшері отбасының әрбір мүшесіне бұрын 4 834 теңгені құраған болса, сәуір айынан бастап әр балаға 20 789 теңге төленеді.

ДЕРЕККӨЗ: 24.kz сайтынан.
04 сәуір 2019 ж. 882 0