Мәдина Әбілқасымова мен Есжан Біртанов жаңа қызметке тағайындалды

Қазақстан президенті Ұлттық Банк төрағасының жаңа екі орынбасарын тағайындады деп хабарлайды Ақорданың баспасөз қызметі.

"Мемлекет басшысының Өкімдерімен: Есжан Амантайұлы Біртанов Қазақстан Республикасы Ұлттық Банкі Төрағасының орынбасары қызметіне;
Мәдина Ерасылқызы Әбілқасымова Қазақстан Республикасы Ұлттық Банкі Төрағасының орынбасары қызметіне тағайындалды", - делінген хабарламада.
Сонымен қатар мемлекет басшысының өкімімен Нұрлан Шәдибекұлы Алдабергенов Ұлттық экономика министрлігінің жауапты хатшысы қызметіне тағайындалған.