146 млн оқырман: Instagram-дағы ең танымал бойжеткен кім?
Америкалық жас әнші Ариана Гранде Instagram-дағы ең танымал әйел адам атанды. Ол оқырман саны жағынан әйгілі Селена Гоместі қуып жеткен деп хабарлайды zhanaqorgan-tynysy.kz интернет газеті nur.kz сайтына сілтеме жасап.
Айта кетейік, танымал әнші Селенаның желідегі оқырмандар саны 146 267 801.
Әншіге тиесілі бұл рекордты қыздар арасында Ариана Гранде бұзып отыр.
Жас әншінің Instagram-дағы жазылушылар саны 146 286 173-ға жеткен.
Бұған себеп - осыдан бірнеше күн бұрын Ариананың 55 жыл бойы The Beatles тобына тиесілі болған рекордты қайталай алуы.
Әншінің бірден үш әні Billboard Hot 100 хит-парадындағы алғашқы үш орынға ие болған.
Еске сала кетейік, бұған дейін оқырман саны жағынан Instagram-да бірінші орында тұрған Селена Гоместің рекордын әйгілі футболшы Криштиану Роналду бұзған болатын.
Португалиялық шабуылшының 150 млн оқырманы бар.
