Қазақстанда барлық балабақшаларға бейнебақылау камералары орнатылмақ

Теміртаудағы балабақшада болған оқиғадан соң еліміздегі барлық балабақшаға бейнебақылау камерасын орнату мәселесі қолға алынды, деп хабарлайды Stan.kz.
Бұл жайлы Білім және ғылым вице-министрі Асхат Аймағамбетов айтты.
«Бәрімізде бала бар. Теміртаудағы оқиға жай нәрсе емес. Балабақшалардың бәріне камера орнату туралы ұсыныс түсті. Соған сәйкес, құжаттарды дайындап жатырмыз. Балабақшаларға бейнебақылау камераларын орнату шараларын қолға алудамыз», – дейді Асхат Аймағамбетов Орталық коммуникациялар қызметіндегі баспасөз мәслихатында.
Кешелі бері Теміртаудағы тәрбиешінің әрекеті қоғамда қызу талқыланып жатыр. Оқиға мамыр айында түсірілгенімен, желіге енді ғана тараған.
Кішкентай баланы тұншықтырған тәрбиеші тергеушілерге қызды ұйықтатуға тырысқанын айтып ақталды.