Қазақстанда зейнетақы мен жәрдемақы өседі

Қазақстанда келесі жылдан бастап зейнетақы мен әлеуметтік төлемдер индекстеледі. Бұл туралы Құрылтайда өткен брифингте премьер-министрдің орынбасары - ұлттық экономика министрі Серік Жұманғарин мәлімдеді, - деп хабарлайды Massaget.kz тілшісі.
Серік Жұманғарин осы төлем түрлерін индекстеуге қосымша 739 миллиард теңге қарастырылғанын айтты. Бұл соманың басым бөлігі зейнетақыға арналған.
"Әлеуметтік төлемдер мен жәрдемақыларды индекстеу міндетті", - деді министр.
Еске салайық, бұған дейін 2027 жылғы 1 қаңтардан бастап Қазақстанда зейнетақыны 8,5 пайызға арттыру жоспарланып отырғаны хабарланды. Осылайша, ең төменгі жиынтық зейнетақы 113 541 теңге болуы мүмкін.

Фото: Tengrinews.kz