Мемлекет басшысы Үкіметті отставкаға жіберді.

Олжас Бектенов басқаратын Үкімет жаңадан сайланған Құрылтай алдында өз өкілеттігін доғарады. Конституцияның 69-бабына сәйкес, Үкімет жаңадан сайланған Құрылтай алдында өкілеттігін тоқтатады. Бұдан кейін Премьер-Министр мен Үкімет мүшелері жаңа құрам жасақталғанға дейін өз міндеттерін атқаруды жалғастыра береді. Жаңа Конституция бойынша Премьер-Министрді Президент тағайындайды.

Алайда Мемлекет басшысы алдымен Құрылтайда өкілдігі бар саяси партиялардың фракцияларымен консультация өткізеді. Осыдан кейін Премьер-Министр лауазымына кандидатты Құрылтайдың қарауына ұсынады. Кандидатураны депутаттардың жалпы санының көпшілік даусымен Құрылтай мақұлдауы қажет. Келісім берілген жағдайда Президент Премьер-Министрді ресми түрде тағайындайды.

Ал жаңа Үкіметтің құрылымы мен құрамы Премьер-Министр тағайындалғаннан кейін қалыптастырылады. Премьер-Министр он күн ішінде Үкіметтің құрылымы мен құрамы бойынша ұсынысын Президентке енгізуі тиіс.