Әлеуметтік желі тігінен түсірілген видеоларды көріп, жариялауға арналған IGTV қосымшасын таныстырды, деп хабарлайды Baq.kz ақпарат агенттігі korrespondent.net сайтына сілтеме жасап.

Instagram әлеуметтік желісін қолданатындар саны миллиардқа жетті. Бұл туралы әлеуметтік желінің 20 маусым күні таратылған ресми хабарламасында айтылды.

«Instagram миллиард адамға арналған ірі ұйымға айналып отыр! 2010 жылы іске қосылған уақыттан бастап оның қалай өсіп, өркендейтінін жіті бақыладық. Сіздерге көп рахмет! Бұл біз үшін үлкен жетістік болып отыр», - делінген хабарламада.

Сондай-ақ, әлеуметтік желі тігінен түсірілген, ұзақтығы бір сағатқа дейінгі видеоларды көруге арналған IGTV қосымшасын таныстырды. Аталған қосымша бірнеше күн ішінде бүкіл әлемге таратылатын болады. Ол Android және iOS сияқты операциялық жүйелерде жұмыс істейді.