Соңғы 10 жылда Қазақстанда неке саны 22 пайызға азайған
Қазақстанда соңғы жылдары неке саны айтарлықтай азайғаны байқалады. Ұлттық статистика бюросының мәліметіне сәйкес, 2015 жылы 148,8 мың неке тіркелсе, 2025 жылы бұл көрсеткіш 116 мыңға дейін төмендеген.
Осылайша, соңғы он жылда неке саны шамамен 22%-ға қысқарған. Некелесу коэффициенті де төмендеп, 1000 адамға шаққанда 8,48-ден 5,69-ға дейін азайған.
Өңірлер арасында ең жоғары көрсеткіш Астана қаласында тіркелсе, ең төмен деңгей Қызылорда облысы мен Батыс Қазақстан облысында байқалған.
Сарапшылар мұны демографиялық өзгерістермен, жастардың кеш некеге тұру үрдісімен және урбанизация үдерісімен байланыстырады.
