АУДАН ӘКІМІ ЖОЛ ҚҰРЫЛЫСЫН БАҚЫЛАДЫ
Биыл Жаңақорған ауданында жол-көлік инфрақұрылымын дамыту және елді мекендердің ішкі жолдарының сапасын арттыру бағытында бірқатар жұмыстар жоспарланған.
Осыған орай, аудан әкімі Мажит Самитов Жаңақорған кентіндегі А.Иманов, А.Мұхамеджанұлы көшелерінде жүргізіліп жатқан күрделі жөндеу және Ш.Мұсахметов, Ж.Құлымбетов көшелеріндегі жол жабынын жаңалау жұмыстарының барысын бақылады.
Аудан басшысы мердігер мекеменің өкілдеріне жол құрылысының сапасына ерекше мән беруді және барлық жұмыстарды белгіленген кестеге сәйкес уақытылы аяқтауды қатаң тапсырды.
Салаға жетекшілік ететін аудан әкімінің орынбасары Қайрат Сапарбаев пен кент әкімі Жасұлан Бейсенбековке атқарылып жатқан жұмыстарды күнделікті бақылауда ұстап, мерзімінде аяқтауды тапсырды.
