ЕМДЕУ МЕКЕМЕЛЕРІНДЕГІ ДӘРІ-ДӘРМЕККЕ МОНИТОРИНГ ЖҮРГІЗІЛДІ

Бүгін Жаңақорған аудандық мәслихат төрағасы, AMANAT” партиясы аудандық филиалының төрағасы Арман Мажитов және партиялық бақылау комиссиясының мүшелері аудандық емдеу мекемесіне арнайы мониторинг жүргізді.
Іс-шара барысында медициналық мекемелердің жұмысы, дәрі-дәрмектердің қолжетімділігі мен олардың сапасы тексерілді.
Жаңақорған ауданаралық ауруханасының қызметкерлері емдеу мекемесіндегі дәрі-дәрмектің жеткілікті екенін жеткізді.
Сонымен қатар, тұрғындарға көрсетілетін қызмет сапасы, медициналық кабинеттердің жабдықталуы мен емдеу үдерісінің ұйымдастырылуына да назар аударылды. Мониторинг нәтижесінде емдеу ұйымдарының жұмыс барысы қанағаттанарлық деп бағаланды.
Партиялық бақылау комиссиясы алдағы уақытта да денсаулық сақтау саласындағы ахуалды тұрақты назарда ұстайтынын жеткізді.

#AMANAT