ЕМДЕУ МЕКЕМЕЛЕРІНЕ МОНИТОРИНГ ЖҮРГІЗІЛДІ

“AMANAT” партиясы жаңақорған аудандық филиалы жанындағы партиялық бақылау комиссиясының төрағасы Тұрабаев Қалдарбек, Жаңақорған аудандық мәслихаттағы "AMANAT" партиясы депутаттық фракциясының жетекшісі Бибасарова Лаура Әбілханқызы, аудандық партия филиалының консултанты Мақпал Ермаханова және комиссия мүшелері аудандық емдеу мекемесіне арнайы мониторинг жүргізді.
Іс-шара барысында медициналық мекемелердің жұмысы, дәрі-дәрмектердің қолжетімділігі мен олардың сапасы тексерілді.
Жаңақорған ауданаралық ауруханасының бас дәрігері Марат Ршымбетов Құбылұлы емдеу мекемесіндегі дәрі-дәрмектің жеткілікті екенін жеткізді.
Сонымен қатар, тұрғындарға көрсетілетін қызмет сапасы, медициналық кабинеттердің жабдықталуы мен емдеу үдерісінің ұйымдастырылуына да назар аударылды. Мониторинг нәтижесінде емдеу ұйымдарының жұмыс барысы қанағаттанарлық деп бағаланды.
Партиялық бақылау комиссиясы алдағы уақытта да денсаулық сақтау саласындағы ахуалды тұрақты назарда ұстайтынын жеткізді.