Ата заң – кәсіпкер еңбегінің қорғаны

Кәсіпкерлік – тәуекел мен табандылықты қатар талап ететін жол. Осы жолда ең бастысы – ертеңге деген сенім. Жаңа Конституция дәл осы сенімді заң жүзінде бекітіп, кәсіпкер еңбегін қорғауды мемлекеттің басты міндеттерінің біріне айналдырды.
Бизнеске жасалған конституциялық кепілдік – «еңбегің еш кетпейді» деген нақты уәде. Заң үстемдігі орныққан жерде кәсіпкер еркін ойлайды, батыл шешім қабылдайды, жаңа бастамаларға жол ашады. Ал бұл – экономиканың жандануына, отандық өндірістің өсуіне, халықтың табысының артуына тікелей әсер ететін маңызды қадам.
Шағын және орта бизнес дамыған сайын елдің іргесі бекиді. Жаңа Конституция кәсіпкерлікке тек рұқсат беріп қана қоймай, оны қорғау арқылы ел дамуының берік іргетасын қалады. Кәсіпкерге жасалған әділ орта – мемлекеттің тұрақты болашағы.