Еңбек адамының мүддесі – Жаңа конституцияның өзегі

Жаңа Конституция жобасына арналған кездесу «Нұрбол – И» шаруа қожалығында өтті. Басқосуда сөз заң баптарынан бұрын, ауылдағы еңбек, тұрақты жұмыс пен әділдік төңірегінде өрбіді.
Республикалық коалиция өкілдері жаңа Ата Заңның басты ұстанымы – еңбек адамының құқығын нақты қорғау екенін атап өтті. Мәжіліс депутаты Мұрат Әбенов Конституция халықтың ұсынысымен дайындалып, «мемлекет – адам үшін» қағидатын күшейтетінін жеткізді.
Жаңа Конституция ауыл үшін – әділ заң, жауапты билік және жергілікті бастамаларға кең мүмкіндік. Кездесу соңында еңбек ұжымы ел болашағын айқындайтын референдумға белсенді қатысуға дайын екенін білдірді.