Конституция күніне арналған кітап көрмесі өтті
30 тамыз – Қазақстан Республикасының Конституциясы күніне орай Жаңақорған аудандық кітапханасында арнайы кітап көрмесі ұйымдастырылды. Іс-шараға Жаңақорған аудандық «AMANAT» партиясы өкілдері қатысып, Конституцияның маңызы мен мемлекет дамуы жолындағы тарихи рөліне тоқталды.
Көрмеде Ата Заңымыздың қалыптасу кезеңдері, құқықтық мемлекет құрудағы маңызы мен тәуелсіз Қазақстанның даму тарихына қатысты әдебиеттер қойылды.
Мұндай шаралар жас ұрпақтың құқықтық сауаттылығын арттыруға, елдік құндылықтарды дәріптеуге және отансүйгіштік сезімді нығайтуға бағытталған.
Конституция – тәуелсіздігіміздің тірегі, еліміздің ең басты құндылығы.
