Жаңақорған ауданында ҚР Парламенті Сенаты депутаты Наурызбай Байқадамовпен кездесу өтті.

Бүгін Жаңақорған ауданының белсенді жастары ҚР Парламенті Сенатының депутаты Наурызбай Сейтқалиұлы Байқадамовпен кездесті. Шара барысында Сенат отырыстарында қабылданған заңдар, елімізде жүзеге асырылып жатқан мемлекеттік бағдарламалар мен жобалар, сондай-ақ Қазақстанның әлеуметтік-экономикалық дамуы жөнінде жан-жақты әңгіме өрбіді.

Кездесу жастардың өзекті сауалдарына жауап беру және ел дамуындағы жас буынның рөлін арттыру мақсатында ұйымдастырылды. Наурызбай Сейтқалиұлы жастардың ұсыныс-пікірлерін тыңдап, олардың қоғам өміріне белсенді араласуының маңыздылығын атап өтті.

Бұл жүздесу жас көшбасшыларға жаңа идеялар мен бастамаларды жүзеге асыруда тың серпін беріп, өз болашағына жауапкершілікпен қарауға ынталандырды.