Қазақстанда жарты жыл ішінде терроризмді насихаттаған 60 адам сотталып кетті
Фото: istockphoto.com
Қазақстанда 2025 жылдың маусым және шілде айларында діни радикализмді насихаттаған және терроризмге қатысы бар азаматтарға қатысты бірнеше сот үкімі заңды күшіне енді. Бұл туралы Ұлттық қауіпсіздік комитеті (ҰҚК) хабарлады, деп жазады Azattyq Rýhy.
Шымкент тұрғыны 7,5 жылға бас бостандығынан айырылды
Шымкент қаласының тұрғынына қатысты сот терроризмді насихаттағаны үшін үкім шығарды. Тергеу барысында ол интернетте бейбіт тұрғындарға қарсы зорлық-зомбылық жасауға шақырғаны дәлелденді.ҰҚК жүргізген қылмыстық іс материалдары бойынша, күдікті радикалды көзқарасты интернет арқылы қабылдаған. Сот оны 7 жыл 6 айға бас бостандығынан айырды.
