«Аурудың алдын алу – адам мен жануарлардың денсаулығын қорғаудың маңызды кепілі!»

Қоғамдық денсаулық пен қауіпсіздік – әрбір елдің басты байлығы. Адам өмірі мен әл-ауқатының кепілі – жұқпалы аурулардың алдын алып, оның таралуына жол бермеу. Ағымдағы жылы Ақмола облысы, Атбасар ауданында адамдар арасында сібір жарасы ауруының (1320 ауруы) тіркелуі бұл мәселенің өзектілігін тағы да дәлелдеді. Адамдардың бұл аурумен сырқаттануы ауру жануарларға жанасумен, етін бөлшектеумен, оларды союға қатысумен, жоятын орынға тасымалдаумен байланысты. Өте сирек жағдайда ластанған топырақты ұстағанда жұғады.
Инфекцияның негізгі көзі ауру ауыл шаруашылығы жануарлары (ірі қара, жылқы, қой, ешкі) болып табылады.
1320 ауруының қоздырғышы адам ағзасына, негізінен, зақымдалған тері арқылы, сирек жағдайда – тыныс алу жолдары мен асқазан-ішек жолдарының шырышты қабаттары арқылы енеді.
Инкубациялық кезең (инфекция жұқтыру сәтінен бастап аурудың белгілері пайда болғанға дейінгі уақыт) 2-ден 14 күнге дейін.
Аталған аурудың маңыздылығын және қауіптілігін ескере отырып, келесі алдын алу шараларын сақтау аса маңызды:
Ет және ет өнімдерінің қауіпсіздігі мен сапасын бақылау жүзеге асырылатын рұқсат етілген сауда орындарынан (ресми базарлардан, дүкендерден, сауда орталықтарынан) ғана сатып алу; кездейсоқ адамдардан ет және ет өнімдерін сатып алмау.
Белгісіз немесе күдік тудыратын мал өнімдерін тұтынбау.
3. Жануарларды союды алдын-ала ветеринариялық тексеруден кейін ғана арнайы мал сою объектілерінде жүргізу.
4. Үй жануарларына 1320 ауруына қарсы ветеринариялық-профилактикалық іс-шараларды (вакцинация) жүргізу. Үй жануарларына күтім жасау кезінде жеке қорғаныс құралдарын қолдану.
5. Жаңадан сатып алынған жануар, алынған төл, оның сойылғаны мен өткізілгені; жануарлар қырылған, бірнеше жануар бір мезгілде ауырған немесе олар әдеттен тыс мінез көрсеткен жағдайлар бойынша ветеринариялық мамандарға, мемлекеттік ветеринариялық-санитариялық инспекторларға дер кезінде хабарлау.
5. Егер ауру жануарлармен байланыста болғаннан кейін (күтім жасау, сою, бөлшектеу және т.б.) жоғары температура, терінің қызаруы, жаралар пайда болса, шұғыл түрде медициналық ұйымға медициналық көмекке жүгіну қажет.
Аурудың алдын алу – адам мен жануарлардың денсаулығын қорғаудың маңызды кепілі. Қауіпсіздік шараларын сақтау арқылы ғана аурудың таралуына жол бермей, мал басын және халық денсаулығын қорғауға болады.
Барша мал иелері мен аудан тұрғындарын жеке иелігіндегі ауыл шаруашылығы жануарларына уақытылы ветеринариялық-профилактикалық іс-шараларды (вакцинация) жүргізуге және бұл мәселеге барынша жауапкершілікпен қарауға шақырамыз!

ҚР АШМ Ветеринариялық бақылау
және қадағалау комитетінің Жаңақорған
аудандық аумақтық инспекциясының
бас маманы А. Мұхтарқызы