БАЛАЛАРДЫҢ ЖАЗҒЫ ДЕМАЛЫСЫН ҰЙЫМДАСТЫРУ МӘСЕЛЕСІ ТАЛҚЫЛАНДЫ

Аудан әкімінің орынбасары Бектас Нуридиновтың төрағалығымен жазғы демалыс кезеңінде балалар мен жасөспірімдердің қауіпсіз, мазмұнды және тиімді тынығуын қамтамасыз ету мақсатында тынығу лагерьлерінің қызметін жүйелі түрде ұйымдастыру мәселесі талқыланды.
Жиынға аудандық полиция бөлімі, аудандық төтенше жағдайлар бөлімі, аудандық санитарлық-эпидемиологиялық қадағалау бақылау басқармасының басшысы және аудандық білім бөлімдерінің басшылары мен лагерь директорлары қатысты.
Биылғы жазғы демалыс кезеңінде мектеп жанынан жұмыс жасайтын 45 жазғы тынығу лагерінде 7550 оқушы демалады.
Аудан аумағында 2 лагерьде демалып жатқан оқушы саны бүгінгі күнге 375 оқушыны құрайды, республикалық лагерьде демалып жатқан бала саны - 300.