Бүгін Қызылорда қаласына Кореядан және Корея Республикасының Алматыдағы Бас консулдығынан арнайы делегация келді. Меймандар іс-сапар аясында Хон Бом До және Ге Бон У мемориалдық кешеніне барып, тарихи мұражай мен ескерткіштермен танысты.
Делегация мүшелері облыстық қоғамдық даму басқармасы, Қызылорда қаласының әкімдігі және “Қоғамдық келісім” КММ өкілдерімен кездесті. Кездесу барысында мемориалды қайта құру мәселелері, сондай-ақ Қазақстан мен Корея арасындағы достық байланыстарды нығайту жолдары кеңінен талқыланды.