«Еңбек адамы» жобасының бүгінгі шығарылымы – темірден түйін түйіп, болаттан бұйым жасайтын, түрлі өндіріс қабырғасын өрмекшінің торындай бір-біріне жалғап, өте күрделі де маңызды жұмысты атқаратын дәнекерлеуші мамандығына арналады.
Дәнекерлеуші – бұл от пен металлдың тілін білетін, дәлдік пен шеберлікті талап ететін кәсіп иесі. Оларсыз өндіріс те, құрылыс та, тіпті қарапайым тұрмыстық техника да іске аспас еді. Бұл мамандық иелері көзге көрінбейтін, бірақ ел экономикасы үшін аса қажет ауыр жұмысты атқарады.