Қазақстандықтар Қытай, Қырғызстан және Түркияға өткен жылмен салыстырғанда екі есе көп ақша жіберді. Бәрінен көп ақша Ресейге аударылған, деп хабарлайды Baq.kz ақпарат агенттігі ranking.kzсайтына сілтеме жасап.

2018 жылы қаңтар-сәуір айларында Қазақстан Республикасынан шетелге аударылған ақшаның жалпы сомасы 45,6 млрд теңгені құрады. Бұл наурыздағы көрсеткішпен салыстырғанда 9,5%, ал өткен жылмен салыстырғанда 36,6% көп.
Биыл жалпы шетелге 159,9 млрд теңге аударылды. 2017 жылмен салыстырғанда 36,5% көп.
2018 жылдың қаңтар-сәуір айларында Ресейге 69,6 млрд теңге аударылды. Бұл көрсеткіш бір жылда 31,2% өсті. Ал мемлекеттегі үлесі 45,5%-тен 43,8%-ке азайды.
Бұдан кейінгі орында 19,5 млрд теңгемен Өзбекстан тұр. Бір жылда 39,9% өсті. Ал мемлекеттегі үлесі 11,9%-тен 12,3%-ке өсті.
Көшбасшылар үштігін Түркия бекітті. Аталған мемлекетке 18,3 млрд теңге аударылған. Бұл көрсеткіш өткен жылмен салыстырғанда екі есе көп. Ал мемлекеттегі үлесі 7,8%-тен 11,5%-ке өскен.
Шетелге ақша аудару жүйелері ішінде «Золотая корона» көш бастап тұр. Аталған жүйенің көмегімен шетелге 92,9 млрд теңге аударылған. Бұл көрсеткіш бір жылда 85,4% өсіп отыр. Ал ҚР-дағы үлесі 43%-тен 58,4%-ке өскен.
Екінші орында 25,2 млрд теңгемен Western Union жүйесі тұр. Аталған көрсеткіш бір жылда 33,1% өскен. ҚР-дағы үлесі 16,2%-тен 15,8%-ке қысқарған.
Көшбасшылар үштігін 14,5 млрд теңгемен «Юнистрим» жүйесі бекітті. Көрсеткіш бір жыл ішінде 2,4% өсті. Ал жүйенің үлесі 12,2%-тен 9,1%-ке қысқарған.