Бокс: Зарина Толыбай халықаралық турнирде жүлделі орын иеленді

Kyzylorda-news.kz Алматы облысында Олимпиада чемпионы, ҚР Еңбек сіңірген спорт шебері Ермахан Ибраимовтың жүлдесіне арналған бокстан халықаралық турнир бүгін өз мәресіне жетті.
Бәсі биік бәсекеде 75 кг салмақ дәрежесінде өнер көрсеткен спортшымыз Зарина Толыбай ІІ орын иеленіп, күміс жүлдені еншіледі
Жаттықтырушысы – бокстан қыздар арасында аға жаттықтырушы Руслан Жолбарысов.
Бұл жарысқа Қырғызстан, Өзбекстан, Қытай, Моңғолия және біздің елімізден 300 боксшы шаршы алаңда сынға түсті.
Айта кетейік, әйелдер боксынан жастар және жасөспірімдер командалары үшін бұл бәсеке – 2025 жылдың алғашқы турнирі болды.
_{Фото: Қызылорда облысының дене шынықтыру, спорт және туризм басқармасы}