Жаңа жыл түні еліміздің перзентханаларында 181 сәби дүниеге келді. Оның ішінде 105 ұл бала, 76 қыз бала және бір егіз бар. Егіздер Маңғыстау облысында өмірге келген, – деп хабарлайды Massaget.kz тілшісі ҚР Денсаулық сақтау министрлігіне сілтеме жасап.
Мерекелік түнде ең көп нәресте Түркістан облысында тіркелді – 34 сәби. Екінші орында Алматы қаласы мен Алматы облысы тұр, мұнда әрқайсысында 17 нәресте дүниеге келген. Үшінші орын Шымкент қаласына тиесілі, онда 16 отбасы жаңа өмірдің қуанышымен бөлісті.
Астанада 10 сәби дүниеге келді, бұл өткен жылғы Жаңа жыл түнімен дәл сәйкес келеді. Бұған дейін Республика күні ел бойынша 850 сәби дүниеге келгені хабарланған болатын. Оның ішінде жеті жұп егіз, 434 ұл және 416 қыз бала бар.