Спортшы Михаил Шайдоров әлемдік додада топ жарды

Мәнерлеп сырғанаудан ерлер арасындағы Қазақстан командасының көшбасшысы Михаил Шайдоров жарыста топ жарды, деп хабарлайды “Адырна” ұлттық порталы.
Olympic.kz хабарлауынша, спортшы Астанада өтіп жатқан Денис Тен мемориалында топ жарып, «алтын» алды.
Мәнерлеп сырғанаушы бірінші орын алып қана қоймай, сондай-ақ қысқа бағдарламада 95,50 ұпай жинап, жеке рекордқа қол жеткізді.
Шайдоров еркін бағдарламаны орындау кезінде төрешілерден 166,83 ұпай алды. Жалпы есеппен ол 262,33 балл жинаған.
246,00 ұпаймен әзербайжандық Литвинцев екінші орынға табан тіреді. Ал қоланы Грузия спортшысы Ника Егадзе алды.