Бүгінгі АЭС салуды қолдау жөніндегі Республикалық Халықтық штаб мүшелерінің ауданымыздағы сапары «Qamqorlyq» оңалту орталығында денсаулық саласы өкілдерімен кездесумен жалғасты. Жиында АЭС-тің электр қуаты тапшылығын жоюда қосатын үлесінен бөлек, медицинa сaлaсын дaмытуғa тигізетін ықпaлы жaн-жaқты тaлқылaнды.
Кездесу барысында штаб мүшесі М.Жайымбетов «Энергия бұл бүгіннің де болашақтың да ең қажеттілігі. Жас мемлекетіміз энергия саласында өзге елдерге айтарлықтай тәуелді. Сол себепті де, энергия көздерін табу, халықты жарықтандыру – бірінші әрі, кезек күттірмейтін мәселе. Ғалымдар елде электр энергетикасына деген сұраныс күннен-күнге артып келе жатқанын айтады. Осы мақсатта АЭС – ең оңтайлы энергия көзі, оған балама жоқ. Бейбіт атом экологиялық тұрғыда таза, сенімді әрі қауіпсіз» - деді өз сөзінде.
– АЭС салу елді сенімді және экологиялық таза энергиямен қамтамасыз етіп қана қоймай, одан әрі экономикалық өсуге және Қазақстанның халықаралық ұстанымдарын нығайтуға ынталандырады, - деп атап өтті штаб мүшесі Жанкелді Ысқақ.
Ал, штаб мүшесі Нуридин Амитов медицина қызметкерлеріне атом электр станциясы энергия импортына тәуелділікті азайта отырып, елді тұрақты және сенімді энергиямен қамтамасыз ететін бірден-бір маңызды жоба екеніне тоқталды.
Өз кезегінде сала өкілдері АЭС-тің елімізге тигізетін әсері туралы толық ақпарат алғандарын айтып, маңызды бастамаға қолдау жасады.