Садриддин Ахмедов АҚШ-тағы жекпе-жегінде қарсыласын сұлатып салды
Қазақ боксының жарқын болашағы саналатын Садриддин Ахмедов екі жылдық үзілістен кейін шаршы алаңға қайта оралаып, жарқын жеңіске қол жеткізді.
Қазақстандық кәсіпқой боксшы Садриддин Ахмедов екі жылдық үзілістен соң, АҚШ-та дебюттік жекпе-жегін өткізді. Жеңілістің дәмін татып көрмеген боксшы белгілі промоутер Том Леффлердің ұйымдастыратын бокс кешінде жұдырықтасып, жергілікті былғары қолғап шебері Антонио Тоддты (17-10, 9 КО) бірінші раундта нокаутқа жіберіп, жарқын жеңіске қол жеткізді. Осылайша Калифорния штатындағы Санта-Инесте қаласында өткен бокс кешінде отандасымыз дебютін сәтті өткізді. 
Айта кетейік, Садриддин Ахмедов (13-0, 11 КО) соңғы жекпе-жегін 2022 жылы 24 желтоқсан күні Алматыда өткізді. Ол алғашқы раундта оңтүістікафрикалық Нкулулеко Мхлонгоны (23-11-1, 18 КО) нокаутпен ұтқан еді.
