Елімізде 1-сыныпқа 336 мыңнан астам оқушы қабылданды
Балаларды мектепке қабылдау жалғасып жатыр, деп хабарлайды Egemen.kz.Оқу-ағарту министрлігінің хабарлауынша, құжаттарды мемлекеттік egov.kz электрондық үкімет қызметі, жергілікті атқарушы органдардың ақпараттық жүйелері арқылы тапсыруға болады. Бірінші сыныпқа балалар 6 жастан бастап ата-анасының немесе баланың заңды өкілінің өтініші негізінде қабылданады. Бүгінде 1-сыныпқа 336 000-нан астам оқушы қабылданды. Айта кетейік, балаларды 1-сыныпқа қабылдау 31 тамызға дейін жалғасады.
