ЖАҢАҚОРҒАН АУДАНЫ ӘКІМІ АППАРАТЫНЫҢ БАСШЫСЫ ТАҒАЙЫНДАЛДЫ
Жаңақорған ауданы әкімінің 2024 жылдың 20 маусымындағы №24 өкімімен Жаңақорған ауданы әкімі аппаратының басшысы лауазымына Ибрагим Рүстем Рәбілұлы тағайындалды.Рүстем Ибрагим 1975 жылы Жаңақорған ауданы, Қызыл жұлдыз ауылында дүниеге келген. Білімі жоғары. Аймақтық әлеуметтік - инновациялық университетін «есеп және аудит» мамандығы бойынша бітірген.
Еңбек жолын 1992 жылы «Билібай» кіші кәсіпорнында жұмысшы болып бастаған. 1998-2010 жылдары Байкенже ауылдық округі әкімі аппаратының салықшысы, жетекші маманы, 2010-2013 жылдары Кейден ауылдық округі әкімі аппаратының есепші-маманы, 2013-2016 жылдары Байкенже ауылдық округі әкімі аппаратының бас маманы, 2016-2021 жылдары Жаңақорған аудандық экономика және бюджеттік жоспарлау бөлімінің сектор меңгерушісі, 2021 жылдың 18 маусымынан Жаңақорған ауданы әкімі аппаратының ұйымдастыру-бақылау бөлімінің басшысы қызметтерін атқарып келеді.
