БАҒА ТҰРАҚТЫЛЫҒЫ НАЗАРҒА АЛЫНДЫ
Бүгін аудандық ауылшаруашылығы мен жер қатынастары бөлімінің және аудандық кірістер басқармасы, статистика бөлімінің мамандарымен бірігіп құрылған мониторингтік топ мүшелері аудан көлеміндегі сауда орындарындағы әлеуметтік маңызы бар азық-түлік бағаларына кезекті зерделеу жұмыстары жүргізілді.Мониторингтік топ аудан орталығындағы «Айсара Ана», «Құрманғазы» және «Табыс» және көкөніс сауда дүкенінде болып, әлеуметтік маңызы бар азық-түліктердің бағасын бағамдады. Зерделеу барысында анықталғандай баға тұрақты, азық-түлік қоры жеткілікті. Дүкен сөрелеріне баға көрсеткіштері қойылуы туралы және негізгі тауарлар бағасын тұрақты ұстау мәселесі бойынша кәсіп иелеріне түсіндірме жұмыстары жүргізілді.
